ܠܫܢܐ ܣܘܪܝܝܐ

ܠܫܢܐ ܣܘܪܝܝܐ ܐܝܬܘܗܝ ܐܝܬܘܗܝ ܦܪܥܐ ܡܕܢܚܝܐ ܡܢ ܦܖ̈ܥܐ ܕܠܫܢܐ ܐܪܡܝܐ: ܘܐܝܬܘܗܝ ܗܘܐ ܠܫܢܐ ܐܪܡܝܐ ܕܐܘܪܗܝ ܘܕܢܨܝܒܝܢ ܘܦܢܝ̈ܬܐ ܕܚܕܝܖ̈ܢ ܠܗܝܢ ܒܒܝܬ ܢܗܪܝܢ. ܐܫܬܘܫܛ ܗܢܐ ܠܫܢܐ ܐܪܡܝܐ ܬܡܢ ܘܗܘܐ ܠܫܢܢ ܣܘܪܝܝܐ ܟܬܒܢܝܐ ܐܟܡܐ ܕܝܕܥܝܢܢ ܠܗ ܝܘܡܢ. ܘܦܪܝܫ ܗܢܐ ܠܫܢܐ ܐܪܡܝܐ ܡܢ ܠܥ̈ܙܐ ܐܖ̈ܡܝܐ ܐܚܖ̈ܢܐ ܒܕܝ̈ܠܝܬܗ ܐܝܟ ܣܝܡܘܬ ܢܘܢ ܒܫܘܪܝܐ ܕܡ̈ܠܐ ܒܙܒܢܐ ܕܥܬܝܕ ܕܦܪܨܘܦܐ ܬܠܝܬܝܐ:

ܐܟܡܐ ܕܐܡܪܝܢܢ «ܢܩܛܘܠ» ܚܠܦ «ܝܩܛܘܠ». ܘܐܬܘ̈ܬܐ ܬܘܒ ܕܐܠܦ ܒܝܬ ܕܠܫܢܐ ܐܪܡܝܐ ܐܫܬܘܫܛܝ̈ ܬܡܢ ܒܗܠܝܢ ܦܢܝ̈ܬܐ ܘܗܘ̈ܝ ܒܐܣܟܡܐ ܣܘܪܝܝܐ ܕܡܬܩܪܐ ܐܣܛܪܢܓܝܠܝܐ.
ܒܡܨܥܝܘܬܗ ܕܕܪܐ ܚܡܝܫܝܐ ܕܡܘܠܕܐ ܥܠ ܫܡܐ ܣܘܪܝܝܐ ܥܠ ܠܫܢܐ ܐܪܡܝܐ ܕܐܘܪܗܝ: ܘܫܪܝܘ ܐܖ̈ܡܝܐ ܡܢ ܗܝܕܝܢ ܩܪܝܢ ܠܠܫܢܗܘܢ ܒܫܡܐ ܡܪܟܒܐ ܐܘܟܝܬ «ܣܘܪܝܝܐ ܐܪܡܝܐ» ܘܪܕܐ ܗܢܐ ܫܡܐ ܡܪܟܒܐ ܒܟܠܗ ܡܟܬܒܙܒܢܐ ܐܟܡܐ ܕܚܙܝܢܢ ܒܟܬܒ̈ܐ ܕܐܒܗ̈ܝܢ ܣܘܖ̈ܝܝܐ ܩܕܡ̈ܐ.

ܥܡ ܡܪܕܝܬܐ ܕܙܒܢܐ ܐܬܝܠܕܝ̈ ܬܪܬܝܢ ܡܫܠܡܢܘ̈ܬܐ ܠܫܢܝ̈ܬܐ ܒܠܫܢܐ ܣܘܪܝܝܐ ܒܩܪܝܢܐ ܘܒܟܬܝܒܬܐ: ܡܫܠܡܢܘܬܐ ܡܢ ܐܘܪܗܝܬܐ ܕܡܬܚܫܚܝܢ ܒܗ̇ ܣܘܖ̈ܝܝܐ ܡܥܖ̈ܒܝܐ: ܘܡܫܠܡܢܘܬܐ ܕܝܢ ܢܨܝܒܝܢܝܬܐ ܘܡܬܚܫܚܝܢ ܒܗ̇ ܣܘܖ̈ܝܝܐ ܡܕܢܚܝ̈ܐ. ܣܘܖ̈ܝܝܐ ܢܳܩܦ̈ܝ ܡܫܠܡܢܘܬܐ ܡܥܪܒܝܬܐ ܐܝܬܝܗܘܢ ܒܢ̈ܝ ܥ̈ܕܬܐ: ܣܘܪܝܝܬܐ ܐܪܬܘܕܘܟܣܝܬܐ ܘܣܘܪܝܝܬܐ ܩܬܘܠܝܩܝܬܐ ܘܣܘܪܝܝܬܐ ܡܪܘܢܝܬܐ. ܢܩܦ̈ܝ ܡܫܠܡܢܘܬܐ ܡܕܢܚܝܬܐ ܕܝܢ ܐܝܬܝܗܘܢ ܣܘܖ̈ܝܝܐ ܡܢ ܒܢ̈ܝ ܥܕܬܐ ܟܠܕܝܬܐ ܘܣܘܖ̈ܝܝܐ ܒܢ̈ܝ ܥܕܬܐ ܢܣܛܘܪܢܝܬܐ ܕܓܒܘ ܠܗܘܢ ܫܡ ܐܬܘܖ̈ܝܐ ܡܢ ܚܕܪܝ ܕܪܐ ܐܘ ܝܬܝܪ. ܒܢ̈ܝ ܥܕܬܐ ܣܘܪܝܝܬܐ ܐܪܬܘܕܘܟܣܝܬܐ ܡܬܚܫܚܝܢ ܒܠܫܢܐ ܣܘܪܝܝܐ ܟܬܒܢܝܐ ܝܬܝܪ ܡܢ ܫܪܟܐ ܕܥܕ̈ܬܐ ܣܘܖ̈ܝܝܬܐ.

ܠܫܢܐ ܠܡ ܣܘܪܝܝܐ ܐܝܬܘܗܝ ܡܬܐܡܢܘܬܐ ܕܠܫܢܐ ܐܪܡܝܐ ܘܛܥܘܢܐ ܕܝܪܬܘܬܗ ܐܪܡܝܬܐ ܘܗܝܝܘܬܗ̇. ܥܡ ܪܕܝܐ ܕܙܒܢܐ ܐܫܬܘܫܛ ܠܫܢܐ ܗܢܐ ܘܐܬܟܬܒܝ̈ ܒܗ ܟܬܝܒ̈ܬܐ ܣܘܖ̈ܝܝܬܐ ܣܓܝ̈ܐܬܐ ܕܥܒܖ̈ܢ ܒܡܢܝܢܐ ܘܒܐܝܟܢܝܘܬܐ ܠܟܠܗܝܢ ܟܬܝܒ̈ܬܐ ܕܐܦܪܝܘ ܦܖ̈ܥܐ ܐܚܖ̈ܢܐ ܕܠܫܢܐ ܐܪܡܝܐ. ܒܕܖ̈ܐ ܡܨܥܝ̈ܐ ܐܬܡܚܠ ܠܫܢܐ ܣܘܪܝܝܐ ܒܥܠܢ ܩܛܖ̈ܐ ܣܓܝ̈ܐܐ.
ܒܦܠܓܐ ܩܕܡܝܐ ܕܕܪܐ ܕܥܣܪܝܢ ܗܘܬ ܥܝܪܘܬܐ ܫܦܝܪܬܐ ܠܠܫܢܐ ܣܘܪܝܝܐ. ܟܬܘܒܐ ܘܐܡܘܖ̈ܐ ܣܘܖ̈ܝܝܐ ܟܬܒܘ ܘܐܦܪܝܘ ܟܬܒ̈ܐ ܘܡܐܡܖ̈ܐ ܒܐܝܟܢܝܘܬܐ ܛܒ ܥܠܝܬܐ. ܐܠܐ ܖ̈ܓܫܐ ܐܘܡܬܢܝ̈ܐ ܕܥܖ̈ܒܝܐ ܘܬܘܖ̈ܟܝܐ ܚܢܩܘ ܠܥܝܪܘܬܐ ܡܪܕܘܬܢܝܬܐ ܣܘܪܝܝܬܐ ܒܦܠܓܐ ܬܪܝܢܐ ܕܕܪܐ ܕܥܣܪܝܢ؛ ܘܡܢ ܗܝܕܝܢ ܡܬܡܚܠ ܠܫܢܢ ܣܘܪܝܝܐ ܝܘܡ ܒܬܪ ܝܘܡ. ܐܠܐ ܒܛܝܠܘܬܐ ܒܫܘ̈ܐܠܐ ܕܠܫܢܐ ܣܘܪܝܝܐ ܐܬܥܫܢܬ ܒܝܬ ܣܘܖ̈ܝܝܐ ܒܗܠܝܢ ܫܢܝ̈ܐ ܐܚܖ̈ܝܬܐ.
ܣܒܪܐ ܐܝܬ ܠܢ ܗܝ ܕܡܠܟ̈ܘܬܐ ܘܫܘܠܛܢܘ̈ܬܐ ܕܩܝ̈ܡܢ ܒܡܬܐ ܫܪܫܢܝܬܐ ܕܠܫܢܐ ܣܘܪܝܝܐ: ܟܒܪ ܢܩܘܡ̈ܢ ܘܢܦܣܩ̈ܢ ܠܡܐܨܦ ܕܗܢܐ ܠܫܢܐ ܠܡܪܡܘ ܕܪܓܗ ܕܢܗܘܐ ܠܫܢܐ ܪܘܫܡܝܐ ܬܪܝܢܐ ܒܗܠܝܢ ܐܬܖ̈ܘܬܐ. ܘܗܟܢ ܢܚܐ ܒܕܥܬܝܕ.